#Jabulujule -IKHAYA LAMACIKO no Siyabonga Mpungose - 06 May 2026

IKHAYA LAMACIKO no Siyabonga Mpungose – uhamba nezimbongi Namhlanje eKhaya Lamaciko sihlangana nezwi lomhlaba, izwi lesizwe, izwi elikhuluma ngempilo, izimbongi. Sihamba noSiyabonga Mpungose, othwele igugu lobuciko, ehamba nezimbongi eziphilisa ulimi, umlando nomoya wesintu. Izimbongi azikhulumi nje kuphela – ziyalanda, ziyakhumbuza, ziyavusa. Ziyizwi labangasekho, zibe yizwi labaphilayo. Lapho imbongi ikhuluma, kuvuka umoya, kuvuleke izinhliziyo, kuzwakale iqiniso elingafihlekile.