Wärend 13 Joer, war den André Hoffmann President vum COSL. An der "Drëtter Hallschent", kuckt hie mam Rich Simon zeréck op déi Joren. D‘Olympesch Spiller zu Paräis war fir hien een immensen Highlight um Enn vu senger Presidence. Den Ex-President hofft, datt d‘Olympesch Spiller zu Los Angeles am Joer 2028 wéinst dem Donald Trump, net ze politesch ginn. Vun de 4 Sport-Ministeren, mat deenen den André Hoffmann a senger Zäit un der Spëtzt vum COSL ze dinn hat, kommen 2 sozialistesch Ministeren net all zegutt ewech. Säi grousse Regret ass, datt et och ënnert senger Presidence keng Olympiamedail fir Lëtzebuerg gouf.
